غريبة البهلة
كيلو دقيق الفورص
رابعة السكر كلاصي
رابعة الزبدة دالعبار
قبيصة الملح
راس المعلقة مسكة حرة
الزيت على حسب الخليط
نصف رابعة جنجلان محمر
نصف رابعة لوز مفسخ و مقلي و مهرمش
ثلاث خمارات الحلوة
كنحضرو الغريبة ديالنا على جوج مراحل
المرحلة الأولى نغربل الدقيق و السكر كلاصي فالقصعة نزيد شوية الملح و المسكة الحرة و الزبدة
نخلطو بأطراف الأصابع و نفرك الزبدة مع خليط الدقيق و السكر حتى ندخلها فيه مزيان
عاد نبدا نزيد الزيت و أنا كنخلط و ما نكترش غير القياس اللي يبسبس الخليط
نخلطها مزيان و بلا دليك بلا عذاب ندير الخليط فالكوكوط
نسد الكوكوط بلا منشعل عليها و نخليها فشي قنت فالكوزينة
على الأقل 24 ساعة و كلما زادت المدة كتجي أحسن
على الأقل 24 ساعة و كلما زادت المدة كتجي أحسن
نعملها فالقصعة تاني و نزيد عليها جنجلان و اللوز
و نخلط مزيان و في الأخير نزيد الخميرة
نخلطها مزيان و إلا كانت باقية كتفتت ندلكها غير شوية و هدا شكها
نكورها بكل سهولة
و ندخلها لفران مسخن و نشعل عليها غير من الفوق فالأول واحد 5 دقائق عاد نشعل من التحت و نخليه مشعول من فوق
و هذا شكلها بعد اخراجها من الفرن
كتجي هشيشة و كتدوب فالفم أما المذاق غنخليكم تكتشفوه
0 التعليقات:
إرسال تعليق