الجلاش باللحمة المفرومة

 

 

المقداير 

لفة جلاش من عند حد نضيف كدة علشان ميبقاش
مكسر او ناشف او ريحتة وحشة
ربع كيلو لحمة مفرومة + اربع معالق كبيرة زبدة

بصلة متوسطة و 2  قرن  فلفل اخضر و طمطماية
متوسطة علشان نعصج بيهم اللحمة بتاعتنا
توابل ملح + معلقة زيت + كوباية لبن + بيضة    
   

اول حاجة هنعملها هنعج اللحمة بتعتنا اذاى بقى ياترا 
هنحط طاسة تسخن على البوتجاز وبعد كدة نحط اللحمة بتعتنا ولازم 
نسمع صوت” تشش ” وبعدين نقلبها تقليبتان كدة لحد ما لونها يتغير 
علشان متطلعش المية بتاعتها
وبعدين نحط بقة عليها البصل والفلفل المفرومين فرم ناعم 
ومعلقة الزيت والتوابل والملح ونوطى خالص
 ومنحطلهاش ماية علشان طعمها ميتغيرش
لما تكون خلاص استوت نبشر الطمطماية
 ونستنى خمسة كدة لحد الطماطم ما تمتزج
 باللحمة وبعدان نطفى البوتجاز
كدة اللحمة المتعصجة جهزت عندنا نسيح بقة الزبدة بتاعتنا فى طاسة تانية
ودى صورة اللحمة المتعصجة والزبدة بعد ما سيحتها






نجيب بعد كدة الصينية اللى هنعمل فيها
وندهنا بالزبدة ونجيب الجلاش ونبدأ نحط 
اول طبقة جلاش فى الصينية وبعدان ندهن زبدة ذى الصورة دى كدة




وبعد كدة نحط طبقة تانية وندهن زبدة ونستمر 
كدة لحد ما نحط حوالى 5 طبقات وبين كل طبقة 
والتانية بندهن بالفرشاة زبدة بس مش كتير يدوب ندهن بس
وبعدان هنحط نصف اللحم بتاعتى على طبقات 
لجلاش اللى انا عملتها ذى ما الصورة هتوضح




بعد كدة هنرجع  نكرر الى عملناة من الاول تانى نحط حوالى خمس طبقات
 جلاش فوق اللحمة دى ونحط برضو بين الطبقات زبدة ذى الصورة دى




وبعدان نحط باقى اللحمة المفرومة
وبعدان هنرجع نحط باقى طبقات الجلاش المتبقية عندى
 وبرضو بين كل طبقة والتانية بندهن بسيط من الزبدة

وبعدان هنكون مشغلين الفرن قبلها بحوالى عشر دقائق
 على درجة 180 ونقطعها وندخلها الفرن
فى ناس تقول هنقطها وهى نية اة هنقطعا مش هتتبهدل
 ولا حاجة منك بس بسكينة حامية كدة هتتقطع
بعد حوالى عشر دقائق نجيب كوباية اللبن ونحط
 عليها بيضة وفلفل اسود وليمونة علشان الزفارة







ونطلع الصينية من الفرن ونشربها بالخليط دة ونرجعها تانى الفرن 
لحد ما تحمر كدة وتلاقيها نفشت كدة واتشربت كل
 الخليط علشان لو طلعت قبل ماتتشرب كل الخليط هتبقى معجنة
ودى صورتها بعد ما طلعت من الفرن تفتح النفس والله
 على الاكل طبعا علشان عمايل ايدية وحيات عنية   





 

وبالهنا والشفا